Custom blog

Die is my custom blog. Amper soos wanneer jy ‘n bike ‘n nuwe look gee met ‘n custom sprayjob, nuwe tyres ensovoorts.

Die bike is nog in sy siel dieselfde, maar jy bring ‘n paar verbeterings aan. Jy tune die bike sommer ook ‘n bietjie. Miskien vervang jy die exhaust met ‘n blinknuwe loudpipe sodat die mense in die buurt kan hoor as jy aangery kom of vertrek. Dalk koop jy net ‘n nuwe leerbaadjie of ‘n nuwe helmet. Hel, dalk was jy net jou bike ‘n slag en polish hom blink.

Hierdie blog is dieselfde. Ek gaan nog dieselfde soort goed skryf. Wat dit ook mag wees…

Dit lyk net vir my asof die uptime beter is by WordPress en asof hier meer settings is om te tune. Die ou blog het verdwyn onder hierdie nuwe custom job. Die ou verf is toe gespray. En ek werk nog aan die nuwe custom job hier.

Byvoorbeeld die agtergrond van die woestyn in die blog se custom header is van Death Valley in die USA. Of daar iewers. Dis net sodat daar iets is. Ek wil nie ‘n “Rat-bike” van hierdie blog maak nie.

Of dalk wil ek. Binnekort stop ek sommer iewers langs die pad en neem ‘n kiekie vir ‘n eg Suid-Afrikaanse agtergrond. Miskien Soweto se sinkdakke, dalk die Noord-Kaap se sand, of Mpumalanga se plantasies. Dalk selfs Durban se see, maar ek dink nie so nie, want dooie visse in Durban se hawe gaan dalkies kak lyk hier as ‘n agtergrond vir my bike.

Dalk bly die agtergrond van Death Valley sommer hier. Dit is juis een van my grootste drome om die pad deur Death Valley met ‘n bike, ‘n fles koffie, ‘n kamera, sakkie Koedoebiltong, Vroutjie en ‘n klein  nylontentjie aan te pak.

Intussen verloop die relings vir my en Vroutjie se vakansie vlot. Ons het besluit om eers Kaappunt toe te ry en daarna op na Namibie. So net na die Paasvakansie.