GG - Die tweede uitgawe. Gratis! Verniet!

Die tweede uitgawe van GG is uit. Vars en nuut met Daphne Rosen wat die voorblad versier. Ek het sommer my werkstyd gebruik om GG aanmekaar te slaan. Die baas betaal my mos ‘n salaris, so van nou af is GG verniet. Gratis. Mahala. Cool, huh?

Inhoud:

1+1=2

Dis mos hoe jy dit in die skool geleer het, of hoe? Geluk, Oopkop. Mag die pienkvoet vir jou net vreugde bring!

Nutsman, eat your heart out!

Jaco vattie kak van ‘n ou wat rondneuk met die kwotasies nie en klap ‘n dak aanmekaar. Netjies, Jaco, netjies! 10/10.

Human Rights en ander prestasies

Bosveldbitch takel die onderwerp met mening.

Beurtkrag is piele:

Gebruik die donker tot jou voordeel en geniet beurtkrag. Steek ‘n kers aan, kap ‘n braai, stort saam…

“Jy” deur DGS

Die Boknaaier is springlewendig en kook met sy skrywe. Hy spreek diep dinge, praat sy hart uit en lok wye kritiek uit.

Plakkaat

Gratis en verniet. ‘n Pragstuk van ‘n Honda Goldwing. Thanks, Rudolph Stricker, wat die foto in die public domain geplaas het. 1,759 × 1,124 pixels. Laai hom af en gebruik soos jy wil.

Shooting Dogs / Beyond The Gates

As jy nie weet wat om vanaand te doen nie, gryp vir jou ‘n paar biere, Simba chips en die fliek. Dis diep stuff.

Mooi woorde:

Da Mario push sy luck en praat. Hy was siek ook, maar ek begin dink hy wou net by die werk afkry. Aan die anderkant, laat ‘n babalas mens nogal “siek” voel… Hy gee ook raad oor hoe om haai aanvalle te voorkom.

Daphne Rosen

Ja toe, ek het nie vergeet nie. Hier is vir julle nog ‘n gratis prentjie wat Daphne Rosen self in die public domain geplaas het. Gaaf van haar, ne? In hierdie foto is sy ‘n brunette, maar haar…ehm…noenoes is GROOT.

Wetsaspekte:

Die foto wat vir die voorblad gebruik is:

Description	Daphne Rosen
Source	Here
Date	10/11/05
Author	Luke Ford
Permission (Reusing this image)	Original Photo from www.lukeisback.com, used with permission (see here).

This file is licensed under the Creative Commons Attribution ShareAlike 2.5 License. In short: you are free to share and make derivative works of the file under the conditions that you appropriately attribute it, and that you distribute it only under a license identical to this one. Official license

As jy nie Ingels verstaan nie, gaan terug skooltoe of moer die skoolhoof, capisce?

Geniet julle naweek, hou die bier yskoud, maak seker daar is ysblokkies vir die brandewyn of whisky en steek ‘n vuur aan sodat julle kan braai. As jy rum drink, onthou om buitekant in die tuin te kots.

Thanks:

En laastens ‘n special thanks aan al die bloggers. Sonder julle sou GG nooit die lig gesien het nie. Thanks guys and gals! Kry vir julle elkeen ‘n koue bier. Die Koedoebiltong is met komplimete van Langplaas.

Beurtkrag is piele.

Nee, ek is nie dronk of mal nie, ek laaik beurtkrag. Beurtkrag is piele, veral as die woonbuurt waar ek bly se krag AF is as gevolg van beurtkrag.

Sien, ek het my aquarium uitgesort. Met ‘n moerse UPS. As die krag afgaan omdat Eskom fucked-up was en is, weet die visse dit nie. Hulle is happy, so ek is happy.

En dan, soos enige proper man, laaik ek gadgets. Toe die beurtkrag begin het, het ek gadgets gaan koop. ‘n Gaslamp, kerse, blakers, nog ‘n No. 10 Cadac gasbottel, ‘n nuwe gasbraaier, ‘n herlaaibare lamp, ‘n opwen flits ensovoorts.

En ek kan mos nie die nuwe goed gebruik as die krag nie afgaan nie. OK, ek seker maak asof die krag af is, maar dit is nie dieselfde nie. Amper soos ‘n vrou wat dit fake; dit is nie regtig nie. Eishkom stel egter nie teleur nie, die krag gaan genuine af. Period.

En as die krag af gaan, kan ek die gadgets gebruik. Die gaslamp gooi ‘n vriendelike, verblindende wit lig, nadat ek dit gelight het met die nuwe lighter - een van daai met die lang voorkante. Die kerse is romanties en verskaf ‘n sagte, geel-oranje lig. Die gasbraaier werk lekker, alhoewel ek eerder met hout braai. Daar is mos niks so lekker soos ‘n knetterende vuurtjie wat vonkies skiet in die aand nie, of hoe?

En ek is getroud. Jarre lank al. Maar ek vind nogsteeds Vroutjie se kurwes vrek moer ekstra fokken baie mooi. So as ek besig is om tiet of boudjies of iets anders te kyk en die krag gaan af, hou ek net aan kyk en streel, want die herlaaibare lamp skakel self aan as die krag afgaan. Cool! Dit alles terwyl die vleisie buite oor die kole tan en die aartappels wat in foelie toegedraai is, gaar word tussen die kole

Die opwenflits is net so diep cool, want as ek die aanstekers of iets anders in die garage gaan soek, en die battery is pap, gee ek net so 30 sekondes se draai aan die slinger, en die flits gooi lig.

En dan is daar die lekkerste van alles. Wanneer Vroutjie vir my sê: “Gertjie, kom ons gaan stort sommer saam om warm water te bespaar en dan gaan klim ons in die bed terwyl ons nou nie TV kan kyk nie…”

Eskom! Ek volunteer elke aand vir beurtkrag.

Oogtoets

More-oggend klim ek in die kar

Fokkit, daar is al meer mense agter die stuur op Suid-Afrika se paaie wat gladnie kan bestuur nie. Dit is so duidelik soos warm bier wat sleg is, dat hulle gladnie ‘n lisensie het nie, of ‘n lisensie gekoop het. Dis nie iets wat ek graag doen nie, maar more-oggend ry ek met die cage werk toe.

Ek is nie bygelowig nie, maar ek vermoed ek het baie luck opgebruik die afgelope langnaweek. En ek is bang my beskermengel vat ‘n smoke-break.

Saterdag oppad terug, net voor Magaliesburg, waar die pad kronkel en draaie maak, ry daar ‘n dom doos aan die verkeerde kant van die pad om ‘n blinde draai. Hy steek nie ‘n ander kar veby nie (wat in elk geval moer idioties sou gewees het), maar ry net aan die regterkant van die pad. Skielik was die wit Camry reg voor my. Ek pluk die bike eenkant toe, gaan van die pad af, mis die idioot in sy Camry met sentimeters, val met genade nie by die afgrond af nie, pluk die bike terug, fok die kant van die bike teen ‘n klip op en skeur my leerbroek. Vroutjie kalmeer my.
In Krugersdorp was daar ‘n ding wat gladnie kan bestuur nie. In ‘n swart Renault met donker ruite. Gooi ‘n U-turn net daar in die middel van die pad sonder om te kyk. Ek sit amper die bike neer, en toe wou ek bliksem. Die ding leun net vooroor, seker om deur daai donker voorruit te kan sien, met ‘n moerse dom uitdrukking op die gesig en fok voort. Kon nie eers op ‘n gelykpad wegtrek sonder om die kar te laat ruk nie. Ek gooi toe net die vinger en ry voort.

Vanaand staan en wag ek by die kruising vir die lig om groen te word. ‘n Dom aap kom van agter af en probeer nie eers om te stop vir die rooi lig nie. Ek trek weg en los ‘n swart streep op die pad en draai links op die grond, oor die randsteen, van die pad af, om te keer dat Dom Aap in die bike se agterkant vasry.

Padwoede.

So more-oggend gaan ek maar in die cage werk toe ry. Die bike moet in elk geval in gaan sodat die krapmerke op die kant reggemaak kan word. Voor ek moer toe gery word en om te keer dat ek ‘n padwoede-aanval kry. Voordat ek iemand uit sy kar pluk en hard begin bliksem. Voordat ek iemand in die gesig skop totdat al sy tande uit is. Voordat ek ‘n kar vol duike skop, sy windscreen met ‘n wheelspanner uitmoer, sy arms breek, sy neus breek, sy bande stukkend sny, ‘n aartappel in sy exhaust in druk…

Voordat ek my geskeurde broek in sy petroltenk druk, dit aan die brand steek en myself simpel lag as sy kar ontplof! Ha! Ha! Ha!

En dan rustig marshmallows braai  terwyl die uitgebrande wrak van sy kar nog lekker warm kole laat gloei. Ek sal net moet onthou om sy kar se arial af te ruk. Lekker. ‘n Marshmallow wat goudbruin braai op die punt van sy arial terwyl sy kar uitbrand…

As iemand weet hoe om ‘n bazooka op die bike te monteer, kontak my. Een van daai goed wat die Boknaaiers op die Ratel 90 gebruik sal ook doen.

Ek verstaan nie…

…hoekom moes die verlamde Mev. Petra Burger van Polokwane (Pietersburg) op haar boude by die trappe van die vliegtuig afskuifel en lyk dit my met haar terugvlug weer met die trappe op nie?

O.R. Tambo-lughawe is fucked-up. Die lughawe suig al van lankal af en gaan in die toekoms ook suig. En as Bid Air, wat SA Airlink se passasiersbystanddienste hanteer ook fucked-up is, dan is hulle.

Die eintlike ding wat ek nie verstaan nie, is hoekom vier mans haar nie net opgetel en van die trappe af gedra het nie? Ek laat my nie vertel daar was net vrouens en klein kindertjies op die vliegtuig nie.

Wat is nou so moeilik daaraan? Al wat hulle moes doen was om kliphard te sê: “Hey, die personeel hier is fucked-up. Kom ons help die vrou.” Dan tel hulle haar op en dra haar met die trappe af. Hoe lank gaan dit neem? Twintig sekondes? 30? Minder as ‘n minuut.

Dieselfde persoon van die passasiersbystandeenheid (PBE), wat ’n week gelede gesê het sy moet op haar boude by die trappe afskuif, het glo laggend vir Burger gesê: “Verlede week het jy op jou boude by die trappe afgegaan, dié week gaan jy met jou boude op.”

As ek daar was het ek daai ou wat dit vir haar gesê het net daar afgestof dat sy tande ratel.

Dis een ding as die personeel en diens moer sleg is, maar ek dink dis ‘n groter skande as al die mans net uit die vliegtuig storm en die vrou aan haar eie genade oorlaat dat sy sopnat reën op die aanloopbaan.

Kry ruggraat, manne! Julle sou niks oorgekom het deur die vrou te help nie. Nee wraggies! Julle is ‘n moerse skande.

Waar is dit warm en droog?

Hier in Gauteng is dit koud en nat. Dis vieslik.

Nuwe Afrikaanse Tydskrif

Die eerste uitgawe van GG is nou te koop.

Wat ek gebruik

Da Mario het my getag om te post wat ek gebruik.

My lysie is maar straight forward.

Kantaris is ‘n media player wat nie codecs of so iets gebruik nie. IBM Lotus Symphony gebruik ek om briewe vir my ouma te skryf. Notepad++ gebruik ek i.p.v. daai simpel Notepad wat saam met Bill se Windows kom.

Help met die resep vir die broodjie.

Suurknol het my getune ek moenie sy grasperk gaan regmaak nie, so toe is ek lekker vroeg vandag by die huis.

Ek dag toe dis tyd om die vuurtjie aan te steek sodat ek kan braai. Maandae is mos lekker dae vir braai. En daar is juis nog ‘n lekker pak skaaptjoppies. Boudtjops.

Toe dag ek daai broodjie wat ek laasjaar iewers die resep van gekry het en gereeld gebak het, sal lekker wees. En ek begin soek. En versteur Skoonma se middagslapie. Nee, sy ken nie daai resep nie. In elk geval bak sy proper met suurdeeg.

Die huis is later omgekeer en die kat het in die kombuiskas ‘n slaapplek gekry, maar die resep het ek nie gekry nie.

Dis wat ek weet of dink:

Miskien was die resep in laasjaar se Weg tydskrif. Daai een waarin daar ‘n artikel oor braai was.

Die broodjie maak nie gebruik van suurdeeg nie, maar van gewone fyn meel, bakpoeier en ‘n pakkie aanmaak soppoeier of twee ensovoorts. Gladnie moeilik om te maak nie. Bo-op strooi jy fyngekapte olywe en gerasperde kaas, en druk hom in die oond. Dan rys (of reis?) hy lekker en na so ‘n uur kan jy hom uithaal.

Indien jy ‘n clue het van die resep, help my uit hier.

Ek het nou maar een van daai winkelbrode by Spar gaan koop… Wat teen my braai-wette is. ‘n Proper braaier kan nie ‘n braaibroodjie by ‘n winkel loop koop nie.

Wat mag ek doen en wat nie?

Sê nou maar ek kom kuier by jou vir ‘n braai, wat mag ek doen en wat nie?

Om dinge te vergemaklik en verwarring uit te skakel, het ek die volgende kort vraelys met verduidelikings opgestel.

Gert Se Braai Vraelys:

1. Mag ek of Vroutjie bier drink daar by jou possie?

As jy wil braai en ek en Vroutjie mag nie bier drink daar nie, moet jy ons nie nooi vir ‘n braai nie. Maak dit dan eerder ‘n koek en tee.

2. Hoeveel bier mag ons drink? Een elk? Twee? Ses? Twaalf? ‘n Kas? Soveel as wat ons wil?

3. Mag ek rook daar by jou? Gewoonlik rook ek buite. So waar mag ek rook? In die voortuin, in die agtertuin? Op die sypaadjie? Oorkant die straat? Vyf blokke weg van jou huis af? Gooi ek die stompies in die asblik, in die potplante of oor die muur in jou buurman se jaart?

4. Mag ek in jou tuin pis as ons in die aand braai en bier drink?

5. Mag ek vuil grappe vertel?

6. Mag ek vir jou 16-jarige laaitie vertel motorfietsry is lekker, of moet ek vir hom lieg?

7. Mag ek die vleis met my hand omdraai?

8. En nog belangriker: Mag ek vleis bring, of is julle vegetariers en braai mielies en brood?

9. Mag ek lag as jou rugbyspan verloor?

10. Rook jy openlik of mag ek net daar agter in ‘n donker hoekie van jou tuin vir jou ‘n sigaret aanbied?

12. Mag Vroutjie in ‘n klein bikini swem?

13. Indien jy nog goed wil noem, doen dit hier. As jy bygelwoing is oor die nommer 13, en wil nog goed noem, doen dit by nommer 14.

14. Vul nog goed hier in indien jy bang was om dit by nommer 13 te doen.

Ek hoop ek het die belangrikste gecover.